ఏ కళకైనా
పరమావధి
పులకరించాలి
ప్రతి హృది! (16)


పాడుట నా వంతు
మరి శ్రోతలను
కాపాడుట
ఎవరి వంతు?(17)

కళలు టైం వేస్టు?!
పిచ్చోడా!
యంత్రానికైనా కావాలిగా
ఓరాయ్లింగూ రెస్టూ!!(18)

కేటాయించిన
శ్వాసల కోటా
ఎప్పుడైపోతే
అప్పుడే టాటా(19)

అల్లోపతి
హోమియోపతి
అన్నీ అయిపోయాయి
ఇక యోగాయే గతి!(20)

తలపు మొలిస్తే
పాటే
తన్మయ మెస్తే
ఇక ఆటే!(11)

వేయించుకో
ఒంటిపై ‘టట్టూ’
దాపరికమే
లేదనేటట్టూ!(12)

ఓటర్లు
జూదర్లు
తాయిలాలు తాయిలాలే
పంచే డబ్బూ సారా పప్పుబెల్లలే!(13)

మావా అంటే
ఎక్కడైనా అనుకో
నాకు
వంగతోట ఉంటే కదా?!(14)

జీవకారుణ్యమా!
నీవెక్కడ?
టైర్ల క్రింద నలిగి
కుక్కలుగా పిల్లులుగా!!(15)

విత్తు చిన్నదే
ఉనికిని కాపాడితే
అదే
వృక్షమై అవతరిస్తుంది!(6)

జీవితం
తీరని దాహము
తీర్చు‘నది’ఒకటె
అది స్నేహము(7)

కరెంటు పోయిందా
ఎంత భాగ్యం!
ఇక ఖరీదు లేని
క్యాండిల్ లైట్ డిన్నరే!!(8)

కలం
విదిల్చితే కురుక్షేత్రం
గళం విప్పితే
గంగావతరణమే!(9)

పద్యం
హృద్యమే
నానీ దోసిటి నైవెద్యమే
అనుభవైక వేద్యమే(10)

అదోవింత కాదు
ఆడదే!
తల తిప్పకు
మెడ పడుతుంది!!(1)

తెలుగోళ్ళు
ఉర్దులో మాట్లాడారా
తథ్యంగా
అది తెలంగాణే!(2)

తిండి ఇద్దరికీ
సమస్యే
ఒకడికి దొరక్క?
మరొకడికి అరక్క!(3)


రోజూ విప్పలేని
పజిలే !
మా ఆవిడ అర్థం కాని
గజలే!!(4)

క్రీగంటి కాటుకా!
దేవదాసు లెందరిని
మాడ్చి మాడ్చి
మసి చేసిందో!!(5)

స్త్రీకెంత లౌక్యం
మొదట మొగుడే లక్ష్యం
ఎదిగిన తక్షణం
సంతాన పక్షం!

’కవి’ ’తా వి’పంచి -’నవ’తా విరించి-శ్రీశ్రీ (శ్రీశ్రీ శతజయంతి సందర్భంగా-నివాళి) -రాఖీ

’కవి’ ’తా వి’పంచి -’నవ’తా విరించి-శ్రీశ్రీ
(శ్రీశ్రీ శతజయంతి సందర్భంగా-నివాళి)
-రాఖీ
ఛందో బంధాలను త్రెంచి
కవితా గంధాలను పంచి
భాసించిన శత వసంతాల విరించీ !
ఏమందును శ్రీ శ్రీ నీ గురించి !!
ఏకలవ్య శిశ్యుడనై సంస్మరించి
నమస్సులర్పించెద శిరస్సు వంచి !!!

నిత్యం నానే సత్యం

పిప్పి పన్ను నొప్పి
“గోరుచుట్టు” బాధ
అర్షమొలల శూల
ఇల్లాలి గోల!!

బూటు కంటె
ఘాటు పోటు
నీ చేతిలో ఓటు
అది నీ(నిరసన)కు దీటు

డెంగ్యూ ,చికెన్ గున్యా
బర్డ్ ఫ్లూ ,స్వైన్ ఫ్లూ
ఏ వైరసైతేనేం
ప్రతిదీ సైతానే?!

బియ్యం రేటు దయ్యం
పప్పు కొంటే గొప్పే
నూనె దయ మానె
ఓ పూట తిన్నామానె!!


కడుపుల్లేంది
కావలిస్తే వస్తుందా?
కుటిల కాంగ్రేస్
తెలంగాణా ఇస్తుందా ???!!!!!!!!!!!!

పైవాడు ప్రాజెక్టులు
కట్టుకుంటూ పోతే…..
ఆడ చెఱువులు!
ఈడ ఎడారులు!!!

ప్రే రణము
ప్రేమ రణము
ప్రేమ మరణము
కాదా ప్రేమకారణము

నానీ నానీలు
రాఖీ చిరు కానుక!
మీకీ
నానీల బోయీలు
పాటల పల్లకి!!

నా నీ లేని అవని
ఆనందగని!
నానీకవిని అవని
ఆ చందం గని!!

పద్యం
హృద్యమే కాదనను
నానీ దోసిటి నైవెద్యం!
అనుభవైక వేద్యం!!

కలం
ప్రసవించింది
కవల పిల్లలట!
నానీలు-గీతాలు!!



అలెగ్జాండర్!
ఆగిపోయినావా
కొనసాగుతోందింకా
నానీల జైత్రయాత్ర!

నానీల వరదలకు
ఆనకట్ట!
యూనిక్ కవుల
చిట్టా!!

మకుటమంతా
పసిడిదైనా
జిగేల్మను మణులే!
పఠేల్మను నానీలే!!

నానీ
కవితకు కొత్త బాణీ
కరిగే మెత్తని
కమ్మని పేణీ


నానీ
అభినవ కుంభ కర్ణుడి
గురక
వదిలించే చురక!

స్వరాలు ఏడైతేనే
అన్ని రాగాలే!
వర్ణాలు యాభయ్యారు
నానీల నెన్నరూ!!

‘నా’లో ఉన్నదీ
‘నీ’లో ఉన్నదీ
ఎద దోచేదా చిన్నది!
‘నానీ’ అన్నది!!
_రాఖీ.
గొల్లపెల్లి రాం కిషన్
305,సప్తగిరి రెసిదెన్సీ,విద్యానగర్,కరీంనగర్.ఆం.ప్ర..