“విరోధి” నామ ఉగాది శుభాకాంక్షలు!!

తెలుగు సాఫ్ట్ వేర్
ఇంజనీరి కోరిక
అమెరికా
సిరికా!-ఉరికా?

ఖద్దరు నేసేదీ వేసేదీ
నేతన్నే!
దారులే వేరు
ఉరి-ఎన్నికల బరి!!

ఉరికై ఉరికే నేతన్నా
ఒక్క క్షణం!
ఏదైనా సాధ్యమే
ఉంటే సరి ప్రాణం!!

దేశం కోసమే
సైనికుడు
పదవి కోసమే
రాజకీయ నాయకుడు

నాయకులకు
ఎన్నికల జ్వరాలు
ఓటర్లకు
అడగకున్నా వరాలు!!

దైవ సృష్టి విశ్వం
మానవ సృష్టి కంప్యూటర్
వైరస్ వ్యాపిస్తే
ఫార్మాటింగే !

అభయ హస్తమైనా
సైకిల్ పథకమైనా
స్త్రీ దైన్యమే
ప్రగతి శూన్యమే!!

ఓటేసే వరకే
ఓటరు మారాజు
ఎన్నికలైపోతే
బూజు-రివాజు

స-ని మెట్లు కలిగితేనే
హార్మోని(యం)
నా-ని జట్టు కుదిరితేనే
హార్మోని

స-ని మధ్య
రిగమపద పంచ స్వరాలు
నా-నీ మధ్య
సవాలక్ష మర్మాలు

క్రికెట్ చూస్తే
ఏముంది హర్షం?
అసెంబ్లీ లో
ఆహా( ! కొట్ల దృశ్యం-తిట్ల వర్షం!!

ఎన్నికల్లో
మభ్యపెట్టడం పార్టీల సభ్యత?
’కలే-నా’
తెలంగాణా లభ్యత?!

పెళ్లికని వెళ్తే
బారసాలకి చేరినా బెటరే!
సిటీ అంతా
ట్రాఫికరే!!

నిత్యం నానే సత్యం
****************


ఎన్నికల్లో
అడగకున్నా వరాలు
ఎన్నికలైతే
తిరుపతి క్షవరాలు!